Ministri i Mbrojtjes së Rusisë, Sergei Shoigu, konfirmoi bashkëpunimin ushtarak të Rusisë me Serbinë pas takimit në Moskë me homologun serb, Zoran Gjorgjeviç.
“Serbia dhe Rusia kanë interesin e përbashkët për zhvillimin e bashkëpunimit në fushën ushtarake”, tha ministri i Mbrojtjes i Rusisë, Sergei Shoigu, pas takimit në Moskë me homologun serb, Zoran Gjorgjeviç.
Shoigu tha se Moska e sheh Beogradin si partner të besueshëm, i cili mbron parimet themelore të sigurisë ndërkombëtare. “Për fat të keq, bota nuk po bëhet vend më i qetë dhe më i qëndrueshëm. Ngjarjet në dekadën e fundit, që lidhen me revolucione shumëngjyrëshe, pushtime të ndryshme dhe përmbysje me dhunë të udhëheqësve të shtetit, nuk sjellin asgjë të mirë”, tha Shoigu.
“Fitorja e Aleksandër Vuçiçit në zgjedhjet presidenciale në Serbi e forcon besimin e Rusisë në marrëdhëniet e fuqishme midis dy vendeve.” u shpreh Ministri i Mbrojtjes së Rusisë, Sergei Shoigu.
